Европан яхьашка белгалваьлар, вай латархо Куштанаькъан Султан
02.07.2025 10:03
Эллиной-Румий оалача латарах йолча Европан яхьашка борза майдилг йоаккхаш белгалваьлар вай спортсмен Куштанаькъан Султан. Из хоам «Сердалога» бир спортацарча латарах йолча мехкарча федераце.
«15 шерга кхачанза болча спортсменашта юкъе 57 кг дозал долчарна юкъе котало яккха аьттув баьлар вай мехкахочун, цу йоккхача яхьашка. Итале цо эшавир литовец 9:0 йолаш. Яхьаш юкъекхаьчача хана, Россерча спортсменаца хилар цун латар (8:0), цул тӀехьагӀа гуржечунна битар цо коталонга боаккха гӀа. Болгарерча спортсменаца лета белгалваьлар Султан 8:0 йолаш, кхоалагӀа моттиг яьккха, борза майдилг елар цунна», - йоах тхога бенача хоамо.
