«Олимпийски дегаондало» яхача яхье дакъа лаьцар вай спортсмена
30.10.2024 09:23
Карачаевске дӀайихьача ший лоӀамерча латарах йолча яхьашка, ший низ гойташ хилар вай къона спортсмен Поаланкой Ӏалихан. Из хоам «Сердалога» бир спорта оагӀон болхлоша.
Йоккхача «Олимпийски дегаондало» оалача яхьашка шоай говзал гойта аьттув баьлар 18 шерга кхачанза волча 280 спортсмена. 11 дозалах йолча яхьашка ше-ше котвала гӀерташ, къовсабелар уж.
Вай мехкахо белгалвир, дошув денна. Цу гӀулакхо аьттув белар цунна тӀадоагӀача шера, Россе йоккхача яхьашка, вай республикан спортивни сий лораде.
