«Даьхен лорабой» ганза Гӏалгӏай филиало ший декхараш федеральничарца дистар
Гӏалгӏайчен «Даьхен лорабой» ганза филиала кулгалхо Абаьданаькъан Ислам, ганза балха хаттарех йолча Боахамашта юкъерча ганза республикан комиссе кулгалхо Мархенаькъан Анзор дакъа лоацаш хилар, Паччахьалкхен ганза кулгалхо Цивилева Анна керте йолаш, дӏахьош хиннача ккхетаче.
«Сердало» газетага, «Даьхен лорабой» ганзе ма аллара, цига дийцар моттигашкарча доакъошка дӏахьоча балхах, из болх дикагӏа дегӏабоалабарах.
Керттера терко тӏаяхийтар лоархӏаме долча хаттарашта - тӏема- вахара центро мехкарча тӏема комиссариато цхьана шоайла бувзам лелабара, иштта дикагӏа дола меттаоттара лорий хьалаш хьакхоллара, царна луш дола ахчаш хьадалара болх тоабара.
Къаьстта терко тӏаяхийтар, духьаленаш а йоацаш, заӏапхой болча бӏухошта лаьрхӏа цар фусамашкара вахара хьалаш кердадахара, цо дӏадех даим боахамашта юкъера бувзам лелабеш хилар.
Доакъашхоша онлайн-кхетаче йолаш дийцар моттигерча ганза таронех, цу даькъ тӏа дикагӏа кхоачашде таро йолча хаттарех, даьхача толамех. Цига иштта белгалдир лоархӏаме декхараш, СВО бӏухошта новкъостал дарах, уж кхоачашдеча даькъе.
