Шоллагӏча лиге цхьаькха котало яьккхар «Ангушта» футболисташа
06.04.2026 11:14
Шоллагӏча лиган «Б дивизиона» тоабашта юкъерча LEON- ловзаре шозлагӏа котало йоаккхаш белгалбаьлар вай «Ангушта» футболисташ. Из хоам «Сердалога» бир мехкарча футболах йолча Федераце.
«Астрахань» яхача тоабанцара ловзар вайбараш котбоалаш, 1-0 йолаш сецар. 59-ча миноте гол чуяьккха Гарисултанов Ахььяд дикка белгалваьлар ловзаре.
1-ча туре «Ангушта» аьттув баьлар Хасавюртерча «Котало» яхача тоабангара 1-0 йолаш котъяла.
Укх бетта 11-ча дийнахьа Донецкерча «Шахтёр» яхача тоабанца ловзаргба наьсархой, хӏаьта хьалхара цӏагӏара ловзар бекарга бетта 18-ча дийнахьа «Чайка-2» яхача Песчанокопск юртарча футболисташца хургда цар.
