Беларуссе Кубок къайсача ловзаре, бургац чутехар вай мехкахочо Кхоартой ӏаьлас
«СКА 1938» футбольни тоабанца ловзаш вола вай мехкахо Беларуссе Кубок яккхара ловзаре белгалваьлар. Из хоам «Сердалога» бир цу оагӏонцарча министерстве.
«ФК «СКА 1938», ФК «МЛ Витебска» юкъера хьалхара бӏал цхьаккха гол чутоханза хилар. Шоай мел бола низ ураоттабаь ловзар футболисташ дӏахо. Ловзар йистедоалача хана 2: 2 йолаш дар гӏулакх, бакъда йоккха юкъ ялале, 83-ча миноте Кхоартой ӏаьлас духьаллаттарий наӏарашка цхьаькха бургац чуяьккхар.
Тоабан гӏулакх хьалхадаьлар, - йоах тхогарча хоамо. «Вӏашагӏккхетара гӏулакх «пенальти» оалача мугӏаре соцаде аьттув бар цар, бакъда ха тоъаш яцар. Цу ловзаро хьагойтар, лакхерча лига клубашта духьала ловзаш, лохерча дивизиона тоабай дикка белгалъяла йиш йолга», - аьлар, тхона интервью луш, футбола Федераце президент волча Хьулахой Хаважа.
