Гӏалгӏайчен футболиста Оздой Мухьмада йитар «ПАОК»
Гӏалгӏай футболист Оздой Мухьмад араваьлар эллиной «ПАОК» футбола клубера, яхаш, дийцар «Сердало» газетага ГӏР футбола Федераце.
Полузащитника Оздой Мухьмада аьлар; контракт дӏахо чӏоагӏъе ше лаьрхӏа вац, аьнна. Цун ха чакхйоалаш я 2026 шера аьтинга бетта 30 дийнахьа. Клубо баркал аьлар 33 шу даьннача футболиста, шоай тоабаца волаш цо кхо шу даккхарах. Дӏахо цун спортивни балха аьттув балар ловш, ловца а баьккхар.
Ше ПАОКе волаш цо дакъа лаьцар 141 ловзара юкъе, цо чутехар 18 бургац, иштта толаме 9-зза дӏаелар бургац новкъосташка.
2023/24 шерашка ловзара юкъ йолаш, тоабанна Эллиной чемпионате котъяла цо новкъостал дир. Оздой Мухьмада клубе дакъа лацарах баьккха толам ПАОКа исторена лоархӏаме ба, цо йитар цига сийрда лар.
Белгалду, хьалха Мухьмад «Зенит», «Рубин», «Ахмат», «Локомотив», иштта турцерча «Фатих Карагюмрюк» клубашка хиннав. Цун чота тӏа да Россе гулъяьча тоабанна чувоагӏаш даь 35 ловзар, цига цо чутехай 4 бурнгац, иштта цо дӏаеннача бургац шозза чутехар цун новкъосташа.
