«ТӀаргам» яха кагирхой кхетаче берригача мехка дӀайовзаш латт
03.07.2024 15:54
ХьатӀадоагӀача кӀира дӀахьоргья Мужеча «ТӀаргам» яха 16-гӀа кагирхой кхетаче. Укх шера цу юкъе дакъа лаца безам болаш хьайзараш 800 саг ва. Из хоам «Сердалога» бир кагирхой гӀулакхахи туризмахи йолча Министерствера.
«Иззал болча кагирхошта цу юкъе дакъа лаца ловш хилар вай мехкацарча безамца; куратораша, спикераша шоай декхараш лакхача боараме дӀахьош хиларца дувзаденна да. Хьахержача кагирхой аьттув хургба еррига программаш, хьехамаш довза», - дийцар тха газетага.
Вай мехкара туризм йоаржаеш хургья ерригача Россе кхетаче.
