«Тамашийна лампилг» яхача фестивале дакъа лоацаш да гӀалгӀай берий театр
18.10.2024 09:43
Укх бетта 22-ча денгара 26-ча денга кхаччалца, Санкт-Петербурге дӀахьоргья ӀV-гӀа «Тамашийна лампилг» яха къамашта юкъера берий театра фестиваль. Цига дакъа лоацаш хургда гӀалгӀай паччахьалкхен берий театр. «Сердалога» из хоам бир театра зарбан болх лелабераша.
Санкт-Петербургерча паччахьалкхен берий драматически театре вай актёраша гойтаргья Озёрски Светланай «Дегаза боабашка кӀориг» яха спектакль. Фестиваль дӀахьош йолча Нарвски коанаӀараш тӀарча театро гойтаргья «Мишта тӀаийцар аз Пэн Питер?» яха спектакль. Белгалде деза, укх шера цу фестивале дакъа лоацаш Россе моттигашкара театраш санна, Сербера берий театр долга.
