Бӏарахой Исмаӏал кийчлуш ва, Серберча U-23 дунен Хьалхален юкъе дакъа лаца
13.10.2025 10:16
Гӏалгӏай Республикера Бӏарахой Исмаӏал кийчлуш ва, дунен Хьалхален спортивни латар дӏадахьа U-23 ха яьннача спортсменашта юкъе, яхаш, дийцар «Сердало» газетага Гӏалгӏай Республикан спорта Министерствон зарбан болх лелабеча Гӏаппархой Аишас.
Ардара бетта 20-ча денгара 27 денга кхаччалца «Ади-Ахьмад спортивни клубе ӏомалуш бараш яхьашка дакъа лоацаш хургба. Программа хьаелларгья Новый-Сад яхача (Сербе) шахьаре эллиной-румий латара даькъ тӏа, уж яхьаш дӏахьоргья диъ дийнахьа.
Хӏанз укх сахьате, тренера Хамхой Исмаӏала тӏахьожамца спортсмен чакхйоаккхаш ва дешара- тренировочни сбораш Парамонова юрта.
Россе чемпион Бӏарахой Исмаӏал 24 шерга кхаччалца болча спортсменашца хургва Сербе дӏахьоча яхьашка дакъа лоацаш, 77 кг дозал дарашта юкъе.
