Дунен яхьашка дакъа лоацаш хургва Бӏарахой Исмаӏал
06.06.2026 21:57
Дунен яхьашка дакъа лаца Бразиле вахав эллиной-румий оалача латарца гӏорваьнна Бӏарахой Исмаӏал. Из хоам «Сердалога» бир мехкарча Минспорта зарбан болх лелабераша.
«Хьалха хиннача Россе Чемпионате котваларах, дунен яхьашка дакъа лаца хьожавир Исмаӏал. Эллиной-румий оалача латара кагирхой тоабан воккхагӏвола тренер Хамхой Ислам хургва кийчон балхага хьожаш», - дийцар тха газетага.
