«Магас» аэропортера дӀаяхар, Макка хьажол де болхарий хьалхара тоаба
Тахан «Магас» яхача аэропортера хьалхара 180 саг хьажол де вахар Макка, Маддана езача моттигашка.
ХӀара шера хьажол де болхарашта дика хьалаш дола моттигаш вӀаштӀехьайоах, из Далла хьалхашка деш дола деза Ӏибадат да.
«Магас» аэропортера 10 рейс е лаьрхӀад, царех тӀеххьаръяр маьтсела бетта 30-ча дийнахьа хургья. ГӀалгӀайчен бахархоех хьакхетаргба лоалахарча мехкашкара хьажол де болхараш а.
Карарча шера ГӀалгӀай Республикера цига ваха йиш йолаш ва 1453 саг. Керттера терко тӀайохийт лаьрххӀача операце доакъашхошта (СВО), цар дезалашта, царна хьахьожаяьй 450 моттиг.
Цул совгӀа, дикача гӀулакхий болам дӀахьош хиларах Селий мехкарча сенатора Керимов Сулеймана 500 путевка еннай. Из болх вӀашагӀболлараша баркал оал Абусаида Сулеймана, иштта доккха совгӀат цо наха дарах. Даьлагахьара доккха сагӀа хилда цун. Хьажол къоабала хилда, никъ маьрша хилба!
