Мехкадас ше накъабаьхар «Магас» аэропортера хьажол де болхараш
28.05.2025 23:58
«Магас» яхача халкъашта юкъерча аэропортера хьажол де яхар аргӀанара тоаба, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша.
ГӏалгӀайчен кулгалхочо Келаматанаькъан Махьмуд-Ӏаьлас ше накъабаьхар уж, цо белгалдир, республикера цига кхаччалца рейсаш еш хиларо хьажол дара бола никъ геттара аттача боаккхилга.
«Саудовски Араве йодаш йола фецара транспорт вайна лоаттаю узбекски Centrum AӀr яхача компане. Цунна баркал ала лов, иштта пайда луш, бувзам лелабарах»,-аьлар мехка кулгалхочо.
Дукха ха йоацаш, республикера Макка, Маддане яхар хьалхара тоаба - 180 саг. Ерригаш а цига ергья 10 рейс, тӀеххьаръяр - маьтсела бетта 30-ча дийнахьа. ЛоархӀаме да карарча шера ГӏалгӀайчера 1 453 сага хьажол де бокъо ялар.
