ГIалгIай политехнически колледжа тIабодаш, гIашлой никъ биллар
26.02.2024 09:57
Бахархоша дехар дарах шахьара администраци оарцагIъяьнна, тротуар биллар, тайп-тайпарча моттигашкара дукха нах деша багIача колледжа тIабодаш. Цига ваха, из болх малагIча боараме дIахьош латт хьежар шахьара да.
Из хоам тха «Сердало» газетага бир администраце зарбан болх лелабераша. Иштта МутаIаланаькъан цIерах болча урамера лампаш хувцаш дIабихьача балхага, шахьара санитарни хьалага хьежар шахьара да.
«Балха моттигашта тIадолхаш долча керттерча урамашка лампаш хувцаш дIабихьача балха раьза хилар мэр, Наьсар-Кертерча Дидиганаькъан оалача ураме дIабахьа безача балхах дийцар цо цу даькъ тIарча къахьегамхошца», - белгалдир шахьара администраце.
