Мехкадас халкъашта юкъерча кхетаче хьоахадир, лоаман доазош дегӀадоаладар лоархӀаме долга
ГӏалгӀай Республикан кулгалхочо Келаматанаькъан Махьмуд-Ӏаьлас дакъа лаьцар Махачкале дӀахьош хиннача «Лоаман доазонаш дика дегӀадар» яхача халкъашта юкъерча шоллагӀча кхетаче. ГӏалгӀайченна из кхетаче мел лоархӀаме яр дийца а варгвац, республикан кхоалагӀа совгӀа дакъа совгӀа дӀалоацараш лоамаш хиларга диллача, цига да керттера къаман исторически, Ӏалама мах бараш.
«Вай республиканна из тема лоархӀаме я. КоалагӀа дола мехка дакъа - уж лоамаш да. Укхаза да вай керттера Ӏалама, исторически мах бараш: Жӏайрахьа кхале, гӀалай комплексаш, заповедник «Аьрзи», къаьнара еза моттиг Тхьаба-Ерд», - аьлар ГӏалгӀайчен Кулгалхочо.
Кхетаче дийцар доалахьардар лорадарах, лоаман моттиг дегӏайоалаярах, цу юкъе керда таронаш, иштта балха моттигаш, туристий наькъаш хьакхолларах. Келаматанаькъан Махьмуд-Ӏаьлас ше раьза хилар белгалдир уж дешаш тахан федеральни даькъ тӀа дукхагӀа теркама юкъедоагӏаш хилара.
ГӏалгӀайче цу даькъ тӀа дика къахьегаш я: хьакхеллай лаьрххӀа йола экономически оагӀув, дегӏайоагӏаш я туризм, тоаеш латт гӀалаш, хьалъеш я керда гӀишлош. Бакъда Кулгалхочо яхачох, лоархӀаме да из деррига а лоаман доазонаш хьаллоацаш деш хилар.
«ГӏалгӀайче хьадеш латтар дукха да. ЛаьрххӀа йола экономически оагӀув я болх беш, дегӀайоагӀаш я туризм, тоаеш я гӀалаш, хьалъеш я керда гӏишлош. Бакъда лоархӀаме да уж гӏишлош вай юкъара гӀулакх хилар, кхыча мехкашца цхьана лоаман доазонаш хьаллоацаш», - аьлар Келаматанаькъан Махьмуд-Ӏаьлас.
Тӏеххьара, ГӏалгӀайчен кулгалхочо баркал аьлар кхетаче вӀашагӀъелларашта, иштта дика къамаьл хоттаденна моттиг нийсъяларах. «Баркал новкъосташта чулоацам болаш уж дешаш дувцарах, иштта кхетаче дӀахьочарна, цар тахан даьча къамаьла лоархӀаме майда кхолларах», - аьлар цо.
