Мехкада: Тахан Медиа - низ бола Ӏоткъама гӀирс
Блогерий кхетче дӀаяхьа лерхӀ укх шера вай республике. Цох, иштта кхыдарех лаьца дийцар вай мехкадас Келаматанаькъан Махьмуд-Ӏаьлас «Машук» яхача дешара оагӀон хьалха латтача Сериков Антонаца Магасерча ИТ-академе дӀайихьача кхетаче.
Шолжа кхале дӀаяхьа лерхӀ кхетаче, лоаман моттигашка хьалгӀоргболаш. ТӀехьа тӀайоагӀача хана, федеральни оагӀон тӀа дӀатӀаяккха лерхӀ проект, берригача мехкара говзанчаш тӀаозаргболаш. Кхетаче дийцарашта юкъе керттера моттиг дӀалоацаш дар, ГӀалгӀайченах блогераш, медиаэксперташ тӀалатташ йола моттиг хьаяр.
«Вай декхар - эшар Ӏалашдар, болалуш болча блогерий шоай болх, лоархӀамедараш боаггӀача боараме доаржаде, дӀахьалхадаха аьттув хургбар хилийтар», - белгалдир Мехкадас. Республикан кулгалхочо теркалдир, таханарча вахаре медиас наха юкъе хӀама доаржадара тӀехьа йоккха моттиг дӀалоацилга. Мехкадаси, Сериков Антонеи, «Машук» яхача дешара оагӀонои, вӀаший бувзам лелабергболаш, чӀоагӀо йир.
