Мехкада: «Лоархӏаме да лакхача боарам тӏа хоржамаш дӏадахьар»
Гӏалгӏайчен кулгалхочо Келаматанаькъан Махьмуд-Ӏаьлас белгалдир, Парламента хоржамий тӏеххьара кхоалагӏа ди лакхача боарам тӏа дӏадахьар лоархӏаме да. Республикан кулгалхочо баркал аьлар дукхача говзанчашта, уж деррига денош, кхоачамбоацараш доацаш, дика дӏадахьарах.
Ше кхайкарал деш, Келаматанаькъан Махьмуд-Ӏаьлас баркал аьлар, эшача сиха новкъостал де кийча болаш, шоай болх дика вӏашагӏбелла цига дакъа лоацаш хиннача лорашта. Доккха дакъа дӏалаьцар гӏончаша - цар тӏаэцар, накъабоахар кхадж тасса баьхка нах, уж бар тайп-тайпара ха яьнна, цудухьа царна де дезар хьалхадоаккхаш новкъостал дир гӏончаша.
Къаьстта терко тӏаяхийтар республикан Кулгалхочо технически болх дӏахьош хиннарашта, уж хиларах цӏена, лостам болаш, лакха культура йолаш кхадж тасса таро хилар.
Къамаьл чакхдоалаш, Махьмуд-Ӏаьлас баркал аьлар хоржамий даькъа берригача доакъашхошта, цар шоашкара лакха говзал йола балха дакъа юкъедарах.
