Из хоам «Сердало» газетага бу Мехкадаь зарбан болх лелабераша. ТӀой-Юрта бахача Чомаканаькъан Мухьаммада дезалца вӀашагӀкхийтар Мехкада. Принтер йийхача кӀаьнка, из дӀаенна, кхыдолча цӀагӀарча берашта совгӀаташ делар цо. Келаматанаькъан Махьмуд-Ӏаьлас белгалдир, дешара эшача цхьаццадарашта принтеро гӀо дергдолга.

КӀаьнк, цун цӀагӀарча бараша яхачох, ишколе дика дешарех ва. Цул тӀехьагӀа, Мехкада вахар, Долакха-Юрта ваха Гелисханаькъан Мухьмад волча. Цун цӀагӀарчарца къамаьл даь, кӀаьнка дийха дӀайха барзкъаш дӀаденна, хоза ловца баьккхар Мехкадас.

«Бера дог хьастар лоархӀаме да! Укх боламга гӀолла берий дегаш гӀаддига йиш я вай. Тахан айса арабаьккхача наькъах хайра сона, берий дегаш хьаста дукха хӀама ца эшилга. ХӀаьта тахан вай аьттув ба цар дехараш кхоачашде, уж гӀаддига. КхоалагӀа дола бер- Пхьошанаькъан Мария йолча баха аьттув баьннабац, из корь яхача лазарах могаш йоацаш хиларах. Бакъда, цо йийха планшет цунга дӀакхоачаргья», - белгалдир вай Мехкадас, бераш долча хинначул тӀехьагӀа.

«Дагалаттарий корсам» яха болам хьаллоацаш, вай мехкарча берашта санна, Запорожьерча берашта а совгӀаташ дала лаьрхӀар вай Мехкадас.