СВО бейнача доакъашхой ноаношца кхетаче хилар Мехкадаь
ГӀалгӀайчен кулгалхо Келаматанаькъан Махьмуд-Ӏаьлан кхетаче хилар лаьрххӀача операце дакъа лоацаш веннача Россе Турпалхочун Хьоашаланаькъан Султана наьнаца. Наьна Ди хилара хетаяьча кхетачене, гулбелар Боканаькъан Марем, Хамхой Хадишат, Хьоашаланаькъан Хади.
«Тамашийна денал долаш кхалнах ба. Баркал аьлар царна иштта дика, Даьхе бахьан долаш шоай са дӀадала кийча къонгаш цар кхебарах», - аьлар ший телеграм-оагӀон тӀа мехка кулгалхочо.
Цун зарбан болх лелабераша беча хоамах, дийцача къамаьла керте латтар, шахьарий, юртий урамаш бейнача турпалхой цӀераш лелаеш хилийтар. Цунна жоп луш, Келаматанаькъан Махьмуд-Ӏаьлас ГӀалгӀай Республикан, Паччахьалкхен кулгалхой Администрацена керте латтачун декхараш кхоачашдеш волча Мархенаькъан Анзора тӀадиллар из дош ший теркама эцар, дӀахо моттигерча совета депутаташца дагавалар.
Республикан кулгалхочо цига дакъа лоацаш хиннача Ӏаьдала викалий теркам тӀабахийтар, уж хаттараш сиха кхоачашде дезара, моттигерча «Даьхен лорбой» ганза филиало СВО бейнача бӀухошца, цар дезалашца дувзаденна деррига хаттараш дика кхоачашдара.
