Мехкада: В1ашт1ара даь цӏенош хьалдара болх 4,3 боарамга кхоачаш айбеннаб мехка
Гӏишлош хьалъяра болх дикка тоабеннаб ала йиш я вай мехка. Дӏадахача шерага хьежача, укх шера 4,3 кхоачаш айденнад из гӏулакх. Ер шу доладелча денз дӏабихьа болх 124,1 эзар кв.м чулоацаш ба карарча хана. 2026-ча шера цу оагӏонца кхоачашде лерхӏараш йиллача ханал хьалха чакхдоалаш да, вай таханара хьал зийча – 74,3%-га кхоачаш болх баь баьннаб, вай мехкадас Келаматанаькъан Махьмуд-ӏаьлас белгалдечох.
«Наха лаьрхӏа хьалдеш долча цӏеной болх 75,1 эзар кв.м дӏалоацаш ба. Вӏаштӏара даь цӏенош дукхагӏа хилар вай республиканнана лоархӏаме да. Шоашта товш йола фусам харжа аьттув болаш хила беза бахархой; шахьарий, юртий хьал тоадара тӏехьа къахьега деза. Цу оагӏонцара болх дӏахьоргба мехка юххьанца лаьрхӏараш кхоачашдеш», - аьлар республикан Кулгалхочо.
Гӏишлош хьалъяра балха нийсса моттигий хьал меттадоаладеш бола болх ба дӏахьош тахан. Дика, кхераме доаца наькъаш дехкаш, шахьарерча, юрташкарча моттигий куц эргадоаккхаш, дӏахьоча балха лакха терко лоаттаеш ба республикан кулгалхой. Наьха вахара хьал аттачахьа даккхара, кхоачамбоацараш юстардахара тӏехьа боккха болх лоаттабу тахан мехка.
