Шахьара администраце рузкъах дӀахьош ба из болх. Балха тӀахьожам беш, журналисташца йистхулаш, цига вар мэр Оздой Руслан. Шахьара дас белгалдечох, из урам тоабе яхаш бахархоша дехар ду дикка ха яр. Наьсар-Кертен, Кравчука урамаш вӀашагӀхотташ ба Поляничкой урам, из меттаоттабаро дикка паргӀатадоаккхаргда цу шин урамера хьал.

«Цул совгӀа, вахар хаьдача СВО доакъашхочун дезал бах укхаза. ХӀаьта цар хьашташ кхоачашдар вай лоархӀамеча декхарех да тахан. Из чӀоагӀо яьй РФ Президента, вай Мехкадас. БоаггӀача боараме из чакхдаккха хьож тхо», - белгалдир шахьара дас.

Иштта цо хьоахадир, укх шера Наьсарера 11 урам тоабеш болх чакхбаккха лерхӀ, аьнна.