«Дошо гӏала» яхача кинофестивалá, TV BRӏCS хоамий новкъостал дергда
TV BRӏCS Медиасета кхайкадир, ше «Дошо гӏала» яхача Халкъашта юкъерча Хӏӏ-ча кинофестивалаца бувзам лелабарах. Из дӏахьоргья Гӏалгӏай мехка ардара бетта 25-28 деношка. TV BRӏCS шийна тӏаэцаргда из кхетаче дӏагойтар массайолча оагӏонаш тӏа, иштта шийгара совгӏат а лургда цу юкъе котваьннача цхьаннена. Лаьрххӏа дола совгӏат даьккха хилара хоам халкъашта юкъерча хоамашта юкъе хургба, из бахьан долаш из проект хьакхелларий таро я дерригача дуненна шоаш дӏагойта.
«Дошо гӏала» яха кинокхетаче хьайоагӏа 2014 шера денз, цу хана цунна юкъеяьлар 60 совгӏа паччахьалкхе. Карарча шера цу юкъе хьалхара хургба Туркий мехкара режиссёраш. Фестиваль ийс даькъа йийкъай, иштта цу юкъедоагӏа лаьрххӏа лоаца боарам бола фильмаш. Дика новкъостал ду цига ТАСС хоамий агентствос.
TV BRӏCS Бразиле, Инде, Китая, ЮАР, Венесуэла, Аргентина, Мозамбика, Кене хоамий моттигашца, иштта дунен кхыча таьрахьий экосистемашца цхьана бувзам болаш хиларах, цо лоархӏаме чӏоагӏбергба «Дошо гӏала» яхача фестивала керттера болх. Цу тайпара бувзам хиларо таро лу, кинофестивала болх дунен боарам тӏа боаккхаш, тӏехьара тӏа низ болаш хила.
