МВД кинологаш шоай цIай дездеш хилар
Сотрудники Центра кинологической службы МВД по Республике Ингушетия, как и их коллеги в других регионах Российской Федерации, отметили свой профессиональный праздник, информировали газету «Сердало» в пресс-службе правоохранительного ведомства.
ХIара шера, укх беттара 21-гIа ди Россе кинологий ди лоархIаш да. Вай республике кинологий болх дIаболабелар 24-шу хьалха, 1998-ча шера. 2015-ча шера, лайчилла бетта 9-ча дийнахьа, хьакхеллар вай МВД кинологий белхах бола кхуврч. Леладеча жIалешта, иштта, болхлошта мел эшача хIаманца кийчъбаь, тоабаь кхуврч ба из. Тахан цига къахьегаш ба, шоай белха тIехьа лакха говзал йола болхлой.
Дуккхача моттигашка, доккха новкъостал ду жIалеша зуламхой хьалаха. ЖIалеш хьалха а долаш, цар гучайоахача ларех болхлошта корадоагIа: герз, наркотикаш, иштта кхыдараш а. Тахан, кинологий болх лакхача лагIа тIа латт. МВД кулгалхоша, даькъала бувц уж нах, шоай денца! Аьттув болаш хилда цар белха денош! ДIахо йодача хана а, иштта бехктокхаме къахьегаш дIабаха низ хилба кинологий!
