«Магасерча Ӏилма-тохкама институте гулбелар студенташ, наха гӀо деш лелараш, юкъара болх бераш. ЛоархӀаме къамаьл дир цига шоай лоӀаме наха гӀо деш леларий кулгалхочун гӀонча волча Гоамакортанаькъан Мустафас, кхааш ийдара гӀулкхаца, кхыдолча цу мугӀарерча кхоачамбоацарашта духьала къовсам лелабеча оагӀон болхло йолча Татенаькъан Хадижас. Гулбеннараша дийцар, шоай юхь ехкача наха, кхааш ийдеш, дӀакхухьача гӀулакхех. Белгалдир, из хӀама вай вахаре мел ийрча, во лоархӀаш да. Цу харцача наькъа духьала леладе дезарех дийцар кагирхоша», - хоам бир тха газетага. Татенаькъан Хадижас дийцар, кхааш ийдара духьала шоаш дӀакхухьача балхах баьннача пайдах. Кагирхой гӀулакхех йолча комитета болхлоша хьоахадир, цу воча гӀулакха духьала шоаш кхеллача программах. «Кагирхошта ха деза, кхааш ийдар хоададаь дӀадаккха дезаш хӀама долга! Ма хулла дукхагӀча наха дакъа лаьцача дикагӀа хургда кхаашта духьала дӀахьоча балха», - аьлар Татенаькъан Хадижас.