Санкт-Петербургаца бувзам лелабергба туризмах йолча комитето
18.07.2025 10:16
Санкт-Петербургацара бувзам чӀоагӀбергба вай мехкарча туризмах йолча комитето. Цу оагӀонца дувзаденнарех дувцаш, кхетаче йир вай мехкарча туризмах йолча комитета хьалха латтача Цхьурой Мухьмада, ГӀинбухерча-Малхбоален федеральни моттига ГӀалгӀайчен массазара викал волча Овшанаькъан Муслима, Санкт-Петербургерча «Бераш-Спорт» яхача ганза кулгал деча Колпаков Алексейс.
«Дукха ца говш, Санкт-Петербург-ГӀалгӀайче яхача туристически наькъашка гӀолла гобаккха, «Ӏарамхи» яхача санаторе дарба дар вӀаштӀехьадаккха лаьрхӀа ба хьакимаш. Шин моттига юкъерча туризмаца дувзаденнараш дикка чӀоагӀдеш болх дӀабахьа лерхӀ цар», - йоах тхогарча хоамо.
Кхетаче йистейоалаш, Цхьурой Мухьмада, Колпаков Алексейс соцам бир, цу оагӀонца дикка къахьега.
