Сурхаш, цар мугӏарера лазараш ца даржийта гӏерт лораш
12.02.2026 09:16
Cурхаш, цар бар мо овла бола лазараш дӏа-хьа ца даржийтара тӏехьа малагӏа болх лоаттабе беза дийцар, Наьсарерча керттерча дарбанче. Из хоам «Сердалога» бир унахцӏенон гӏулакхех йолча министерствос.
«Лораша белгалдир дӏа-хьа доала лазараш даржара бахьанаш малагӏаш да, иштта фу болх лоаттабе беза тахан из хьал юхатохаш.
Къаьстта йоккха терко еш дийцар берах болча кхалнаха уж кхетар чӏоагӏа кхераме хиларах, хӏана аьлча, кер чу доаллача бера боккха ӏоткъам хулаш, цун дега, бӏаргий, лергий хьал толхадеш да нанна уж кхетар», - дийцар тха газетага.
Лораша дийцар ПЦР дувзаденнарех, серологически тохкамех, лазарашта духьала ханнахьа маьхий тохарах.
