Мехкарча хозача курорте салаӀа безам бараш тӀаэцаш, наӀараш дlайийллар
«Ӏарамхи» курорт салаӀа безам бараш тӀаэца кийча я, ший наӀараш царна духьала шерра дӀайийлла. Из хоам «Сердалога» мехкарча кабминера бера.
«Лоамашта юкъе уллача боккъал башха йолча курорте ший дега ма хетта салаӀа йиш йолаш хургва цига кхаьчар. Говраца гобаккха, квадроцикл хехка, гӀалай юрташка гӀолла экскурси е аьттув хургба наьха. Иштта цига я наьк де моттиг, ахкан йийсача соалозашца хехкабала моттиг, SPA, дегӀа могашалла пайда беш йола цхьацца программаш», - дийцар тха газетага.
БӀаьстан хана къаьстта хоза хул цу моттигашка: Ӏан бетташка тхьайса илла беркате Ӏалам сомадоал, гобаьккха бӀарго хьа ма лоацца хоза моттигаш я, тайп-тайпарча оалхазарий зовне ашараш я.
Лоаман моттигашка салоӀаш яьккха ха атта йицлуш хилац, цхьаккха хӀама кхоачаргдац аьнна хет цигарча цӀенача фега.
