Гӏалгӏай мехка маьхалдаккха лаьрхӏа дола дукха Индера чай, миштад хьежар КБР
Индера чай да Гӏалгӏайче маьхалдаккха лаьрхӏа, из да 19,6 эзар тонн. Цун фитосанитарни тӏахьожам беш болх дӏабихьар Гӏабартой-Балкхарой мехка. Из Гӏалгӏайчен доазон тӏа дохка лаьрхӏа да.
Дукха тоннаш йолча цу чаьна юкъе совйола хӏама цахилар - из моттигера агропромышленность лораяр, сага кхерамзлен ӏалашо яр да. Вайцига из чай хьакхачале, цох сага могашала зулам деш хӏама йоаллий хьажаро таро лу, ца кхераш из эца а мала а.
Из фу чай да хьожаш хилар КБР гӏолла йола ФГБУ «ЦОК АПК». Лабораторе экспертиза йоаккхаш хьежар чаьца дӏаийна садоалла хӏама, кхыйола баьцаш йий.
Из техкараша яхачох, цох сага могашала кхерам болаш хӏама яллац. Тӏахьожама балха хоамаш дӏадахьийтар Кавказски мехкашта юкъерча Госсельхознадзора урхаллене. Цига тӏеххьара хоадам бергба, Россе доазон тӏа из кхачан малар даккхара.
