ТIой-Юртарча № 4 йолча ишкола 3D «Коталон карта» делар «Кванториумо»
22.04.2025 09:26
Коталон ди хьатIадоагIаш, Моздаке-МагIалбике моастагIашта духьала хинна операци тIайола 3D «Коталон карта» делар ТIой-Юртарча № 4 йолча ишкола «Кванториум» яхача берий технопарка. Из хоам «Сердалога» бир цу моттигера.
«Из гIулакх вIашагIделлар технопарка дешархо ва, ший кулгалхочунца. Малсаганаькъан Тухана цIерах йолча музее уллача исторически картага хьожаш, шоай болх цунца нийсбеш, вIашагIделлад из. МагIалбике лаьттача тIема операцех дукха хIама довзаргда ишкола дешархошта», - йоах тхога бенача хоамо.
«Кванториуме» белгалдир, цу тайпара мехка истори, цунца дувзаденнараш кхувш латтарашта юкъе кердадоаккхилга, вайх цхьаннена хийрадала йиш йоаца хIама долга.
