Магаса «Кванториума» чемпионат дӀайихьар «Рython старт» яхача программированех
15.05.2025 13:40
Республикански берий «Кванториум» яхача технопарка вӀашагӀъеллар «Python-старт-2025» яхача программированех йола чемпионат, яхаш, дийцар «Сердало» газетага цу боахаме.
«Дешархошта хьалхашка лаьтта декхараш дар, шин сахьата шоашта ховш дар юкъедаьккха, тайп-тайпара чоалхане декхараш кхоачашдар. ХӀара декхар кхоачашдарах баллаш тӀакхетар.
Хьалхарча мугӀар тӀа водаш вар Ӏарчакханаькъан Ислам. ШоллагӀа моттиг Хазанаькъан Мухьмад-Амина яр, кхоалагӀа моттиг Бекбузаранаькъан Мухьмад-Башира яьккхар», - аьлар хоамо.
«Технопарка болхлоша даькъалабувц котбаьннараш. Шоашта карагӀдаьннараша ӀТ-технологей дунен тӀарча боккхача наькъ тӀа доахалда шо!» - аьлар берашка цу «Кванториума» кулгалхочо Янданаькъан Салмана.
