ЛДПРа белгалдир Гӏалгӏайчен волонтёраша, меценаташа СВО доакъашхой хьаллацар
Республикан Халкъа Гулламе, лаьрххӏача операце доакъашхой хьаллоацаш новкъостал лоаттадаьча Гӏалгӏайчен бахархошта совгӏаташ луш моттиг хилар. Гӏалгӏайчен моттигерча ЛДПР даькъе парте викалаша волонтёрашта, меценаташта совгӏаташ делар - «Лаьрххӏа йола тӏема операци дӏахьош; Донбасс, Новоросси кӏалхарйоаккхаш бӏухошта, цар дезалашта новкъостал дарах» яха майдилг. Из кхетаче дӏайихьар парте кулгалхочо Слуцкий Леонида тӏадиллача декхарах.
Парте викалаша белгала ма дарра, тахан боарам хинна дӏаэттад республикан бахархоша бӏухошта гуманитарни новкъостал лоаттадар. Гӏалгӏайчен волонтёраш, меценаташа бӏухошта, цар дезалашта хӏара денна новкъостал лоаттаду. Парте кулгалхочо Слуцкий Леонида тӏадиллача декхарах дӏахьош хинна совгӏаташ далара кхетаче - из шоай дег чура баркал алар да, бӏухошта новкъостал лоаттадеча наха.
Къаьстта цу тайпара наьха барт, цхьоагӏо хиларо чӏоагӏду наха а, юкъарлон а юкъера гӏулакхаш, - аьлар Гӏалгӏай республикерча ЛДПР даькъа кулгалхочун гӏончас Къоастой ӏумара.
