Хьунаш цӀерах лораеш ба хьун тӀахьожам бераш
БӀаьстан денош доладенна Ӏан ха хьатӀаотталца, цӀерцара хатараш хургдоацаш, тӀахьожам лоаттабеш болх дӀакхухь вай хьун боахамашка цу оагӀонцарча болхлоша. Ӏалама гӀулакхех йолча министерствос белгалдечох, шоашта тӀехьа чӀоагӀдаьча доазон тӀа болхаш, тӀахьожам лоаттабеш, вай хьун моттигаш лораю цу мугӀарерча къахьегамхоша.
«ЦӀи дӀа-хьа яржаргйоацаш аьха дадача доазонашка тӀаяьнна кӀотаргаш, баьцаш дӀайоахаш болх дӀабихьаб цар, иштта цу гӀулакха эшаш дола гӀирсаш увттадеш.
Хьунашта юхе ядача моттигашкарча нахаца болх дӀакхухь цар; хьун моттигашка цӀераш ма лелае, цу юхе баьцаш, йоархӀаш йоагае ма увтта, цӀи дӀа-хьа яржаргйолча бахьанех лорале, яхаш.
Белгалде деза, хьун хьал лорадераша берригача балха тӀара 60% болх кхоачашбаьлга. Болх дӀахохьош латт», - дийцар тха газетага.
