Ӏадсаькх деттараш белгалбаьлар яхьашка
21.08.2023 19:31
Кисловодске дӀайихьача йоккхача яхье, белгалбаьлар вай мехкара Ӏадсаькх деттараш. Цига гулбеннабар Россе тайп-тайпарча моттигашкара спортсменаш. Царна юкъе бар цӀихеза нах, Россе чемпионаш. «Къовсама «Олимпик» оалача классах кхоккхе моттиг вай кагирхоша яьккхар.
Хьалхарча лагӀа тӀа ваьлар ЦӀечой Мухьмад, шоллагӀа моттиг елар ПхьугӀой Жабраила, кхоалагӀча моттиге Султиганаькъан Мухьмад-Башир хилар.
«Исторически Ӏадсаькх» яхача классе дотуви боарзеи даьккхар вай спортсменаша ГӀазгиренаькъан Сулеймас, ГӀуражанаькъан Ӏаддал-Салама.
Командай яхьашка шоллагӀа моттиг яьккхар вай мехкахоша. Ма дарра аьлча, дикача оагӀорахьа шоаш дӀахьекхар вай спортсменаша.
