«Вай республикера цу яхьашка дакъа лоацаш хилар 18 викал, уж бар ГӀалгӀай Республикан Iаддалхой федерацен викалаш. Хамхой Мусас хьалхара моттиг яьккхар 3D-КЛ (баре-боу). «Олимпик» яхача даькъе котваьлар ЦӀечой Мухьмад. Султиганаькъан Адама, Хамхой Мусай дика вӀаштӀехьадаьлар спорта мастера кондидата боарам кхоачашбе. ГӀалгӀайчен викалаша 4-гӀа моттиг яьккхар 19 команданна юкъе», - аьлар хоамо. Хьалххе дика кийчбенна хиларах, шоайла новкъостал деш хиларах, вай кагирхоша дика толамаш гойтар цига. Дика моттигаш яьха хиларо из къаьгга хьагойт. Даькъала бувц вай Iаддалхой цар даьхача толамашца, дӀахо а низ кхоачалба цар иштта коталонаш яха», - аьлар ГӀалгӀай Республикан ФСЛА вице-президента Султиганаькъан Адама. Белгалдоаккх, халкъашта юкъера VӀӀ-гӀа Iаддалхой 3D «Canyon-23» яха яхь дӀахьош, Россе ерригача моттигашкара вена 150 саг яхьашка дакъа лоацаш хиннилга.