«Шоай ковнаш, наӀартӀенаш тайп-тайпарча зизашца хозъераш хӀара шера дукхагӀа хилар гӀадвугаш да», - аьлар вай Мехкадас цу гӀулакхах дувцаш. Иштта мехка кулгалхочо белгалдир, вай къаман нах тхьовра денз къахьегара тӀера болаш, лаьттанцара болх дукха безаш хьабаьхкалга.

Яхьий шоллагӀча даькъа юкъебараш 30 сагал кӀезигагӀа ба, хӀаьта тӀахьожама комисси царна юкъера толашагӀбараш хьахоржаш я. Котало яьккхача итт сага цӀераш ер бутт йистебоалаш йовзаргья вайна.

Миллион ахча да царна дӀа-хьа декъаргдар. Келаматанаькъан Махьмуд-Ӏаьлас белгалдир, цу яхьашта юкъе дакъа лоацаш мел хиннараш лакхерча лагӀа тӀа баьннарех ба, аьнна, хӀана аьлча вай мехкара моттигаш хоза, бӀарг хьоасташ хилийтара тӀехьа боккха болх дӀабихьа нах ба уж.