Магӏалбика дикагӏа болча къонача эскархошта «Юнармейций сий» яха майдилг елар
Магӏалбик-Шахьара дагалоаттама, сийлен моттиге безбир шахьара дикагӏа бола къона эскархой. №20 йолча юкъерча ишкола, №1 йолча Чахкенаькъан С. цӏерагӏча гимназе къонача эскархошта делар «Юнармейца сий» яха III-ча дозала хьаракаш. Из да цар дикача гӏулакхий толам гуш хилар.
Кхетаче лоархӏаме яр, Магӏалбика «Тӏема сийлен шахьар» яха РФ сийлен цӏи ялар къаьстта цу денца дувзадеш хиларах.
1942 шера гурахьа, Магӏалбика доазон тӏа лаьттар дукхагӏа бола моастагӏчоа духьала беш хинна тӏом. Цу тӏем тӏа моастагӏа эшавир, цунна хетар чакхдаланзар, вермахта, ший дикагӏа бола тӏема низ Волга тӏа баккха таро хиланзар, из бахьан долаш Сталинграда юхе лаьтта тӏема моастагӏа эшавара а доккха дакъа юкъедихьар. Тахан къонача эскархоша хьагойт шоаш лерттӏа ноахал долаш хьалкхувш хилар.
Из цӏай дездеш шахьаре концерт делар. МехкагIончалца дувзаденна безаме иллеш хозаш дар цига, шахьара бахархой а сапаргӏатадаьлар.
