Гӏалгӏайчера ӏалам дезараш бийхар «Баьццарча толамга»
Гӏалгӏайчен ӏалам хоза хетарашка кхайкарал ду дакъа лаца «Баьццара толам» яхача яхьашка. Из хоам «Сердало» газетага бир ГӏР ӏалам лорадара Министерствос.
«Болх йистебаьккха хила беза – 2026 шера, лайчилла бетта 1-ча денга кхачале. Цига дакъа лаца йиш йолаш я СМИ, блогераш, автораш, белггаларча лостамах йолча юкъарлон редактораш, «Лорае хьу» яхача моттига доакъашхой, иштта цу даькъ тӏа даьха шоай толамаш дола нах. Из болх дӏаболабаьр - «Лорае хьу» яха проект вӏашагӏъеллар, яхаш, белгалду республикан ӏалам лорадерий Телеграм-оагӏон тӏа.
Цига дувц цу компанена хӏара шера профессиональни совгӏаташ луш хиларах, ӏалама тӏехьале, гонахьара хьал, еррига экологе кхерамзле лораярах дакъа юкъедарах.
Котало яккха яхьебаьнна нах гуш хургба преме сайта тӏа, доакъашхой майдаш тӏа. Котбаьннарий цӏераш йовзаш хургья 2026 шера оагӏой бетта, царна совгӏаташ лургда.
Цох бола беррига хоам бовза йиш я укх оагӏонца: award.forest-save.ru/.
