«Хьамсара ГIалгIай Республика студенташ!

Аз даькъал дувц шо, укх шун къоналла, хьаькъала цIайца.

ДешадагIаш йола ха эггара хозагIа ха я, цу хана моллагIа халонаш а эшалу, сага вахаре сихагIа, толашагIа йола ха я из.

Из я ца ховр довза а из Iомаде а гIерта ха, професси харжара уйлаш яйта ха.

ГIалгIайчен кагийбараш массаза а хиннаб дешара тIакхувш, хьалаьца никъ дIабахьара болча наькъа тIара ца боалаш.

Вай мехкараша, кагийча наха спорте а Iилма Iомадеча даькъа тIа а дика толамаш даьхад массаза а, региона массайолча мероприятешка дакъа лоацаш хиннаб, цу юкъе россе а халкъашта юкъерча боараме.

Тахан республика дешара наькъа тIа, из чIоагIдара, лакхдара къахьегаш да вай, регионе IТ-технологи юкъейоалаеш, пхьешка а юрташка дийша даьнна бераш шоай никъ хьалаьца дIаоттаргболаш, керда проекташ маьхалъяхара.

Хьамсара студенташ! Шо — тха керда ноахал да, эггара ГIалгIайчен толамий дакъа да, цудухьа тхо тешаш да шо кердача, боккхача наькъа тIа даргхиларах. ЛаьрхIачунга долхаш котало яккха низ кхоачалба шун. Цу наькъа тIа накъадаргда шоана боккхагIчарна карагIдаьннар, цар дукхача шерашка хьаIоадаьр!

Дег чура аз даькъал дувц шо, цу кердача наькъ тIа, ираз, аьттув, унахцIено хийла шун. ГIалгIайчен мутIахьа дола вахархой хилда шох, шоай хьамсара Даьхе — ГIалгIайче езаш а лораеш а хилда шо!», — аьлар ГIалгIайчен Республика Кулгалхочо.