Келматанаькъан Махьмуд-Iаьла: ГIалгIайче, наха, шоайла новкъосталдар чIоагIа да
Глава Ингушетии Махмуд-Али Калиматов назвал благотворительные организации в Ингушетии сильными, сердобольными и щедрыми во время вручения ключей от новых домов 36 малообеспеченным семьям.
Вай республике гIолла хьалхара дездеш хинна, даьй ди долча хана, цу тайпара дика совгIат кийчдаьдар новкъостал дара йолча республика Ассоциаце фондо, цу юкъе даьй Совет а йолаш.
ГIалгIай Республика Кулгалхочунца цхьана, кердача цIенна фусам-даьй даькъала бувца Назране вена хилар, РФ Президента чуйоагIача берий бокъонех йолча общественни совета кулгалхо Коченов Андрей.
Вай къаман хозача гIулакхех цаI лоархIаш хиннад таро йоацарий оагIув хьаллацар, царна новкъостал дар, — аьнна белгалдир республика Кулгалхочо.
Хоам бу, кердача цIенна хьалхара дIоагIаш Булгучанаькъан дезалла кхаьчар, царга массехк хьалхагIа шозза доккха хатараш дера, 2014 шера уж дезал да воацаш биссар, хIаьта 2018 шера — нана а дIаяьлар цар.
БархI сагах латташ бола боккха дезал, эггара зIамагIчунна 10 шу мара кхачанза а долаш, иштта цхьаь биссарах, кIала биссача наха новкъостал лоаттадеча Ассоциаце фондо теркама юкъе ийцабар.
ХIанз, укх сахьте, бераш даь- йишийга да, ший цIен -даьца цхьана опекунство каьхаташ а даьха, уж лелабеш ба уж.
Цудухьа, иштта халонаш лайнача цу дезалла фусам нийсъелар, из доккха гIулакх да. Царна а сатеме хургда дIахо, шоай вахар, шоай фусаме дIадахьа.
— Новкъостал дара йолча фондай Ассоциацена баркал оал аз, дика кулг теха, баьча балха дикал лакха йолаш, хоза мебель чу оттаяь цар къахьегарах, -аьлар Келматанаькъан Махьмуд-Iаьлас.
ГIалгIай Республика Кулгалхочо, берашта а дезала а цIенош хьалдара аьнна, хьакъоастадаьдар 15 лаьтан дакъа. ХIара цIагIа мебель оттаяь, эшаш дола вахара хьалаш тоадаь да.
ЦIенош доккха е зIамига хилар, масса саг ва хьежжа да.
ХьалхагIа, 2020 шера, цу организаце таханарча денга кхаччалца йолча хана, хьалдаьд 133 цIа. ГIалгIайчен, даьй совет а йолаенний 2020 шера денз болх бе. Цу юкъебоагIаш хургба, цу тайпарча гIулакха, дакъа лаца безам бараш. ХIанза, укх сахьте, даьй Совета теркама юкъе 1657 дезал ба.
Иштта, Келматанаькъан Махьмуд-Iаьлас, Назранерча № 20 йолчеи, иштта Байсаранаькъан М. И. проспектах № 38 йолчеи общежите бахача ийс дезала дIоагIаш дIаделар.
Уж нах кердача фусамашка баха ховшабе вIаштIехьа даьккхар, ГIалгIай Республике гIолла, «2013-2015 шерашка къаьнарча фусамашкара бахархой кердача фусамашка баха ховшабар» яхача программах.
