Хоам бу, комисси ГIалгIайче хургья моажол бетта 24 денга кхаччалца, цар белгалйоахаргья, дешара кхуврча, унахцIенон, цу юкъе деша даха ха йоацача берий объекташ.

Объекташка вахале, Владимиров Максима ладийгIар республика министрий кабинета кулгалхочунца Сластенин Владимираца хиннача кхетаче, цу юкъе йоагIача министерствай отчеташка.

ДукхагIа терко тIайохийтарех яр, «Дешара», «УнахцIенон», къаман проекташ.

Дешара мугIарах хьалъе лерхI −16 ишкол, цо таро хулийтаргья 11-эзар дешара моттигаш хилийта, иштта 9 берий беш,1 980 сага лаьрхIа, уж «ДегIадара» проектах я.

Цул совгIа, республике лерхI футболах йола бархI моттиг, иштта бархI стройплощадка хьалъе.

ДIахо бе лерхIаш бола болх ба, ГIалгIай республика бархI дешара кхуврчашка ремонташ яр.

ДукхагIа бола болх таханарча денга кхоачашбаь баьннаб.

УнахцIенон мугIаре вай республике яхьаргья дега лазарий, онкологе центрашка 31 медоборудовани.

Цу юкъе доагIаш да, тахан вай республике 60 моттига лаьрхIа хьалъеш йола, берашта лаьрхIа инфекционни отделени.

Хьалхарча аргIах А. О. Ахушкова цIерагIча ГIалгIай республика клинически больнице баха хилар. Премьер министра гIонча йолча Амренаькъан Маремаца, онкологех цамогаш болча наха новкъостал дара йолча амбулаторе Центра, котельнега хьажар. Комиссе лаьрхIар, котельни лерттIа болх беш я аьнна, иштта Центра балха дика мах а оттабир.