СалоӀача ЦӀагӀа ха йоаккхаш хургья, тӀема доакъашхочун нана
23.08.2024 11:30
Сурхо тӀарча салоӀача ЦӀагӀа ха йоаккхаш, ший дегӀа могашал меттаоттаеш хургья Украинерча тӀема операцен доакъашхочун нана. Из хоам «Сердалога» бир «Даьхен Лорбой» яхача ганза моттигерча филиала кулгалхочун гӀонча йолча Наурбенаькъан Фаинас.
«Дега хала операци яь, унахцӀено меттаоттае езаш, салаӀа дезаш яр Чахкенаькъан РаӀшат. Ганза болхлошкара оарц дийхар цо, гӀо де шийна, аьнна.
Массехк ди даьлча, салоӀача ЦӀагӀа ший дегӀа могаш меттаоттаеш, паргӀатта ха яккха аьттув хургба цун», - дийцар тха газетага. Белгалде деза, пхе бера да вола цун воӀ Даьхен гӀулакха латтилга.
Денал, майрал гойташ, ший декхараш кхоачашдарах тӀема совгӀаташ денна белгалваьв из.
