«Хьамсара мехкахой! Аз дег тӀара даькъаладувц шо дерригаш Россе денца. Тахан, боккхача мехка тайп-тайпарча шахьарашка, моттигашка къахьегаш, дешаш ба вай мехкара нах. Тахан, доккхалца ала йиш йолаш да вай, берригача мехка деналца бовзаш болча спортсменех, Ӏилманхоех, тӀема декхараш токхаш латтарех. Вай къамах хьабаьннаб, ерригача Россе бовзаш бола турпалхой, тайп-тайпарча халкъа боахама болхлой. Беркате, иразе наькъаш кхоллаш, дуккха дикаш доаржадеш дӀадаха аьттув, низ хилба вай дӀахо йодача хана а!» — аьлар вай Мехкадас, ший къамаьла юкъе. Кхетаче йолаш паспорташ дӀаделар кагирхошта. Хоза вахар кхоллаш, сийдолаш баха даькъалабийцар уж республикан кулгалхочо. Цу йоккхача кхетачене белгалдир, гӀалгӀай къаман нах массахана дикача, беркатеча гӀулакхашта тӀехьа белгала хила ловш, мехка сийле лораеш, яхь йола, эздий гӀулакхаш доаржадеш, баха ловш хиннилга. Иразе хилда вай массане вахар! Пайдане, бахархошта, берригача мехка накъадаргдола, истореца даха дусаргдола хоза гӀулакхаш доаржадеш, дӀадаха низ хилба вай! Маьрша бахалба боккхача мехка бахархой!