Тахан латташ йолча замах, мехка массайолча моттигашка Лаьрххӏача операце бейнача бӏухой дагалоаттам дӏахьош ба. Цу бахьанах хьаделлаш да «Турпалхочун Парта», дӏахьош да боламаш, форумаш, иштта кхыйола мероприятеш. Цунца цхьана даьша-ноаноша гӏайгӏа ю шоай бейнарий, бераша саготду.

Уж ба баха ӏомабала безаш, юха а вахарера кхыметтел зӏамига дола а дикахетараш теркал де дезаш, шоай вахара никъ дӏахо дӏабахьа безаш. Цу юкъе лоархӏаме дакъа дӏалоац «Даьхен лорабой» фонда гӏалгӏай филиала. Хӏара этта хьал ше-ший тайпара да, цу гӏулакхашта юкъе дӏалоархӏ шоаш доал деча наьха оамалаш.

Местой Хьавас, Меданаькъан Миланас терко е езарех да бӏухой зӏамига бераш, вежарий, йижарий, иштта веший дезалаш.

Ховш да, во деча отташ дар доккха халахетар да, цхьаволча сага бетташ эш, кӏеззига мукъагӏа халахетар дайдергдолаш.

Цу хана кхетаду, мел чӏоагӏа эшаш да нах уллув хилар, халахетар хинна воаллача сага тешам балара, сатем бара.

Бейнача бӏухой ноаношта, фусам-ноаношта дуккха а халагӏа да шоай дагардар дувца. Царна хеталу цхьаннеца дага ца воалаш, деррига чудита лелар дикагӏа долаш санна, совдола хӏамаш шоашка хеттаргдоацаш. Бакъда, моттигаш я говзанчаш эшаш а къаьстта цу хьалашка. Шерашка шоай венна саг дагавоаллаш лелаш хилча, ший могашал а кӏалъют. Теша лов, бӏухой гаргарча наха доаккхал де деза шоай саг иштта турпал волаш ший тӏеххьара са доалаш, денал гойташ укх дунен тӏара дӏаваха ӏоажал нийсъяларах. Шоай дегашка, царех дагалоаттам лелабе цу наьха низ кхоачаргба аьнна хеталу.

Массайолча оагӏорахьара СВО бӏухой дезал хьаллацар-лоархӏаме декхар да юкъарлон, паччахьалкхен, иштта Даьхен. Боккъонца бола турпалхой бусаргба наьха дегашка, Россе халкъа исторе.