Из иштта хилар го йиш я вай республикан масалах, тӀехьарча хана гӀишлой майда хинна дӀаэттай из. Хьалъеш я дешара, лорий, культуран моттигаш, дукхагӀа хулаш йоагӀа спортивни объекташ.

Масала, хьаэцаргья вай Шолжа кхале. Укх тӀехьарча шерашка укхаза дукха ишколаш, берий бешамаш хьалъяьй. Таханарча денга кхоачаш уж я 19. Хӏанз хьалъеш латта Гӏажарий-Юртара ишкол 20-гӀа хургья.

Гаьнарча ДаьттагӀа хьалдаьд культуран цӏа, цига бахархой культуран программаш дӀаяхьарал совгӀа, таро хургья шоайла гулбенна вӀашагӀкхета а, цхьацца вахарера хаттараш дувца а.

Кхалера спортивни дакъа а дика дегӀадоагӀаш да. Из я Гӏажарий-Юрта хьалъяь воркаута майда, Алхасте хьалъяь волейбола, баскетбола спортивни майдаш. Кастлуш царна тӀакхетаргья зӀамигача футбола аре, иштта Эбарга-Юрта хьалъеш йола «хьаькъале» спортивни майда.

Кхален керттера моттиг Гӏажарий-Юрта дӀайихьачул тӀехьагӀа тайп- тайпарча даькъ тӀа эшаш йола гӀишлош хьалъяра бола болх а дукхагӀа хургба, хӀаьта наьха вахар а тоалургда.