Келаматанаькъан Махьмуд-Ӏаьлас даькъалавийцар Гӏалгӏайчен хьалхара Президент Овшанаькъан Руслан
Гӏалгӏайчен кулгалхочо Келаматанаькъан Махьмуд-Ӏаьлас даькъалавийцар Овшанаькъан Руслан, из ваь ди хиларца.
Мехка Кулгалхочо лакха мах оттабир цун исторически моттига, цо аьлар, Султана Руслан Гӏалгӏайчен керте эттар эггара халагӏча хана. Къаьстта цо кулгал деш хиннача, атта доацача юкъарлон-политически, экономически хьалашка гӏалгӏай паччахьалкхен кӏийле чӏоагӏйир. Цу хана вӏашагӏйохкаш мара яцар законаш хьакхоллара, вахаре чакхдахара ӏаьдала институташ, иштта кхоачашдеш дар чоалхане хаттараш, царех тийша дар къонача республикан, цун бахархой кхерамзле хилар.
Келаматанаькъан Махьмуд-ӏаьлас белгалбир, дукхача шерашка ший Даьхенна мутӏахьа волаш, Овшанаькъан Руслана баь болх, цун чӏоагӏа граждански оамал, нийсхон тӏехьа хилар, эггара халагӏча ханашка шийна из бехктокхам тӏаэцар - из лархӏа везаш йола моттиг я.
Ший къамаьл чакхдоалаш, Гӏалгӏайчен Кулгалхочо дег тӏара даькъалавийцар Овшанаькъан Руслан; республикан хьалхарча Президента могашал дика хилар; фусамера ираз, беркат хилар; хьинарах виза дукхача шерашка из вахаш хилар ловш долча дӏайхача дешашца.
