«Нах кӀалхарбоаха болхлой вайна юкъе лоархӀаш ба, цар цкъа гойта Ӏийнадац сиха а пайдане а шоашта къахьега ховш хилар, моллагӀа дола чоалхане хьал оттарах», - аьлар ше уж даькъала бувцаш Махьмуд-Ӏаьлас.

Дийцар, хӀара денна новкъостал эшача оарцагӀа ухаш, денал гойта кийча хиннача болхлошта карагӀдаьннар. Махьмуд-Ӏаьлас белгалдир, цу даькъерча болхлоша беш бар эшаш а чоалхане а болх хилар. Карарча шера, цигара болхлоша, волонтёраша дакъа лоацаш, 70 совгӀа сага новкъостал даьд.

ДӀаяхача цу юкъа 2 300 совгӀа цӀи йоаераш баха хилар оарцагӀа, царех 1 340 хатарах нах кӀалхарбоахараша баь болх ба. «Баркал оал аз царех хӀаранена, уж массахана фийла хиларах, эшача накъабаха кийча хиларах. Могаш хилда шо, аьттув хилба шун, кхераме моттигаш кӀезигӀа хийла шун вахаре», - язду ГӀалгӀай Республикан Кулгалхочо ший телеграм-канале.