Вай мехкарча Матенаькъан Натайна Россе ФМБА майдилг елар
22.04.2026 09:35
«Дикача наьха клуб» яхача ганза кулгал деш йола Матенаькъан Ната цӏий дӏачутелаш дола гӏулакх хьаллацарах, майдилг луш белгалйир. Из хоам «Сердалога» бир республикерча Минздраве.
«Россе федеральни лорий-биологически агенствос хьожадаь совгӏат да из. Майдилгаца ФМБА кулгалхочо Скворцова Вероникас кулг яздаь удостоверени делар Натайна», - йоах тхога бенача хоамо.
Иштта мехкарча Минздрава хьалха латтача Ӏалбаканаькъан Зарас Зарас доккха баркал аьлар, вайцига из беркате гӏулакх хьаллацарах.
«Дикача наьха клуб» мехка цӏихеза я наха гӏо деш, халача хьале кхаьчарий хьал аттачахьа даккхара тӏехьа дакъа лоацаш хиларца.
Цул совгӏа, унахошта лаьрхӏа цӏий дӏачутелаш дола беркате гӏулакх а дар хьаллоацаш. Хам баь варгвоацаш, доккха дика да из!
