Моттигерча лорал деча болхлоша хоржамашка шоай декхар дика кхоачашдир
10.09.2023 18:10
ГӀалгӀайчен унахцӀенон болхлоша дика дакъа лаьцар хоржамаш дӀахьош, цу гӀулакха, чӀоагӀа бехктокхаме болаш, накъабахар уж, яхаш, дийцар «Сердало» газетага хоржамий комиссен чубоагӀача кхелахоша.
«УнахцӀенон министр Антошканаькъан Зарема кхадж тасса ера Наьсарен-Шахьара Дошлакъий-Юртарча № 603 йолча хоржамий даькъ тӀа», — аьлар «Сердало» газетага тхоца къамаьл даьчо.
Республике лоархӀаме моттиг дӀалоацаш бола вай лораш, вахаре дика дакъа лоацаш хила беза. Цудухьа, хоржамаш долча дийнахьа, цар таро хилар из иштта долга дӀахайта. Из доацаш, шоай профессиональни декхар дицдаланзар царна: массадолча хоржамий даькъошка лораш бар, эшача новкъостал де кийча болаш.
