ЖКХ оагӀон балхага хьежар Магаса мэр
24.01.2025 09:51
Шахьара куц малагӀча хьале да, ЖКХ оагӀон болхлоша шоай болх малагӀча боараме дӀахьу теркалдир шахьара да волча Орцханаькъан Зайта.
Къаьстта боккха теркам тӀабахийтар наькъашта, сердал хилара, ковний хьала. Из хоам «Сердалога» бир администраце зарбан болх лелабераша.
«Аравоалаш го боаккхаш хилча, дикагӀа гу кхоачамбоацараш, тоаде дезараш. Гаьна ца воалаш меттадоаладе вӀаштӀехьадоал цхьаццадараш», - белгалдир шахьара дас. Магаса моттигаш цӀена, лостам болаш, боаггӀача боараме теркам тӀабохийташ лораергйолаш, болх лоаттабу шахьаре.