Росгварде 10 шу дизара хетаяь кхетаче лакхача боараме дӏайихьар
Росгварде итт шу дизара, бокъонаш лораярах дола эскар хьакхелла 215 шу дизара хетаяь йола кхетаче мехка лакхача боараме дӏаяхьа аьттув баьлар. «Сердалога» из хоам бир цу моттигера.
«Лоархӏаме дола уж ши ди белгалдеш, моттигерча оагӏон кулгалхочун декхараш кхоачашдеш волча полице полковника Угурчанаькъан Хьамзата РФ Президентагара даькъалабувцаш къамаьл дӏадаь, шоай гӏулакхе толашагӏбараш белгалбир. Иштта декхараш кхоачашдеш латташ вахар хаьда шоай новкъостий дагалаьцар гулбеннараша», - йоах тхога бенача хоамо.
Культуран гӏулакхех йолча моттиге царна лаьрхӏа доккха концерт дӏадихьар мехкарxа кхоллама оагӏонцарча тоабаша кийчдаь. Даьхенцарча безамах, машарах, паргӏатача вахарах дувцар артисташа.
Тахан росгвардейцаша дӏахьошбар боккха болх ба, наьха паргӏато, кхерамзлен хьал лорадеш. Цар денца даькъалабувцаш, доккха баркал ала деза вай царна!
