Гӏалгӏайчен Парламенто грамоташ елар Магаса мэраи Горсовета кулгалхочоаи
Гӏалгӏайчен Парламента хьалхалаттача Тӏумхой Мухьмадаца кхетаче хилар Магаса мэра Тиймарзанаькъан Мусай, Горсовета хьалха латтача Дарсиганаькъан Хаваж-Бахьаудина. Из хоам «Сердалога» бир шахьара мэре.
«Кхетаче дийцар шахьара моттигаш тоаярах йолча программага гӏолла Магасе дӏахьоча балхах, моллагӏа тайпара хаоттам эттача кийча хиларах», - дийцар тхога мэре. Укх бетта 15-ча дийнахьа дездеш долча Магаса Денна хетаяь Халкъа Гуллама грамоташ елар Тӏумхой Мухьмада Тиймарзанаькъан Мусайна, Дарсиганаькъан Хаваж-Бахьаудина, шахьара моттигаш тоаяра тӏехьа бехктокхаме къахьегарах.
Магаса мэра доккха баркал аьлар Парламента Кулгалхочоа шоай оагӏув хьаллацарах; иштта белгалдир, цхьана, дог лазаш, къахьегарца шахьара куц хӏара денна тоалуш, эргадоалаш латтилга.
